Lunglei District-a RMSA Mission bul tumin vawiin khan Lunglei Government High School tualah zirlaite intihhlimna, Winter Fest 2017 neih a ni a, a hmanpuitu, Social Welfare Minister, Pu PC Lalthanliana chuan zirlaite chu ruihhlo leh ruih theih thil danga inthiarfihlim turin a fuih a, ram leh hnam tana mi chhawr tlak nih tum turin a chah bawk a ni. Lunglei District SP, Pu Lal\hafamkima Jongte pawhin zirlaite chu an nun leh hriselna tichhe thil laka fihlim tum turin a fuih bawk. He Winter Fest hi District Education Officer, RMSA DPC ni bawk, Pu Lalramthianghlima’n a kaihruai a, zai, thusawi, lemchan tawi, inchei dan chi hrang hrang leh lamte entir a ni. He Winter Fest-ah hian Lunglei khawpui chhunga School 14-a zirlaite leh zirtirtute an tel a ni.
