Rohingya Muslim ral tlan zingah Mizorama lo luh tum an awm hriat a la ni- Mizoram Police

0
316
views

Mizoram Police hotuten Myanmar a\anga Rohingya Muslim ral tlan zingah Mizorama lo luh tum an awm hriat a la ni lo tih an sawi. Heng ral tlante hi Mizorama an lo luh loh nan ramri pawh khauh taka ven zel a ni tih sawiin, ramri veng tur hian Mizorama Assam Rifles awm sate bakah tun hnai khan \henawm state 3- Assam, Manipur leh Nagaland a\angin Assam Rifles company nga chah belh an ni a, heng mite bakah hian BSF leh Mizoram Police chu ramri-ah ngawrh takin an duty bawk a, tun thleng hi chuan Myanmar a\anga raltlan zingah Mizorama lo luh tum an awm hriat a la ni lo niin an sawi. Rohingya Muslim raltlan 3, tun hnaia Tripura-a man an nih avangin Mizoram pawh an lo thleng thei mai ang em tih zawhna chhangin Police hotute chuan, Rohingya Muslim-te chenna, Rakhine state hi Mizoram a\ang chuan a hla deuh a, Mizorama lo lut tur chuan Chin State an pal tlang a ngaih avangin an tan Mizoram lo thlen chu thil harsa tak a ni dawn niin an sawi a. Rohingya Muslim-te chu \awng, hnam leh sakhuaah Mizorama chengte nena inpersan tak an nih bawk avangin an tan Mizorama lo luhna tur kawng a inhawng lo nia an hriat thu an sawi bawk.

Police hotute chuan, tun hnaia Delhi Police-te man, ISIS mi firfiak pakhatin Mizoram leh hmar chhak bial state \henkhata bu khuar an tum nia a sawi chungchangah pawh bawhzui a nih thu an sawi a. Hemi chungchang hi Aizawl Mosque hotute sawipui an ni tawh a, anni pawhin mi firfiak an lo luh loh nan theihtawp an chhuah ve bawk niin an sawi. Police chhinchhiah danin, Myanmar ramri depa District pathum zingah Lawngtlai District chhunga khaw 8-ah BSF leh Assam Rifles an duty a, Siaha Dist.-a khaw 3-ah Assam Rifles, Lunglei District-a khaw 8-ah BSF leh khaw 2-ah Assam Rifles ngawrh takin an Duty a ni.