Rorellai MNF Party in Congress hruaitu Pu Zodintluanga MLA in Lunglei tana covid-19 enna khawl RT PCR a lei chu Kohhrana thawhlawm ip pangngai pe si lova, sunde sikul pawl bik thutna tur sofa set lei nen tehkhinin, buaina a thlen phah niin an sawi.

0
99
views

MNF Party hian thuchhuah an siamah Pu Zodintluanga RT-PCR khawl lei chu Kohhrana thawhlawm thawh tur, thawhlawm ipa pe lut loa Sande Sikul pawl bik thutna tura Sofa set lei nen an tehkhin a, chutiang anih chuan Sande Sikul pawl tinin an duh ve vek dawn avangin Kohhran committee a buai phah ang a, Biak in leh Kohhran a buai vek dawn a ni an ti a, chu ai chuan midang zawng zawngte tih angin, thawhlawm ipah Kohhran pe mai se, a kal dan tur zawk a ni an ti.

MNF Party hian Party tin aiawh kalkhawmten an hlawh atanga zaa 30 theuh leh an MLA Fund atanga cheng nuai 50 theuh thawh an rel angin Pu Zodintluanga leh a party-te chuan engatinge an thawh ve mai loh tih chu zawhna lian tak a ni an ti a. Bial bik tan tia khawl manto leh buaithlak zet mai ama thua a lei a, a hung ta ruau mai hian min tibuai zo ta a ni an ti.

Pu Zodintluanga khawl lei chu ama mimal pawisaa a lei chu nise thuhran a ni a; a thiante zawng zawngin an thawh theuh MLA Fund atangin thawh ve duh lova a lei a ni an ti a, MLA tinin Covid Fund-a mipuite tan thawh lovin anmahni Bial bik tan hman vek an duh theuh a ni an ti.