Sawihona kaihruaitu Rural Development Minister Pu Lalruatkima chuan ngaihtuah ho tura chhawpchhuahte chu thil hmanhmawh thlak anih avangin RD Department leh Finance Department ten hmaichhana harsatna awmte sawi khawma, a sutkian dan kawng sawiho \ha a tih vanga hmanhmawh taka Dept pahnihte \hutkhawm chu ko anih thu a sawi.
Dept pahnih hotute hian DRDA hnuaia thawk, thla tam tak hlawh la tawh lo te pek theih dan tur te, kum hmasa lama budget a tel \hin thil chi thum, kumin Budget a lang ta lo chungchangte, leh MGNREGS sum tang chungchangte, silpauline lei chungchangte an sawiho a ni.
DRDA hnuaia thawkte hlawh hi Central Sorkarin kum tam tak an rawn tum tawh lo tih sawilan a ni a, Panchayati Raj Institution hnuaiah state dangah te sengluh an nih tawh laiin Mizoramah panchayati Raj Institution hman a la nih loh vang a ni tih sawilan a ni a, senglut turin Mizoram Sorkar inbuatsaih mek mahse, thawktuten thla tam tak hlawh an lak tawh loh avangin an hlawh tur sum chu Finance Department in ngaihtuah turin Minister hian a ngen a ni.
Sum mamawh hi vawi leh khata pek mai a harsat dawn avangin a tahtawla pek dan ruahman an tum tur thu Finance Commissioner chuan a sawi.
Hei bakah hian PMAY(G) Scheme leh MNGREGS sum Finance Department a tang mek te a rang lama pek chhuah dan tur pawh an sawiho a, kum hmasa lama RD Budget a tel \hin, kumin Budget a tel ta lo – Housing for Project Staff, Social Education leh Rural Housing Scheme te telh anih leh theih dan tur pawh an sawiho a, hengte pawh hi a tah tawla pek leh dan ngaihtuah an rel bawk
RD Department mamawh te hi Finance Commissioner hova RD Department hotu ten an thlir nawm leh dawn a, sum neih dan a zira, a tahtawlha tih dan tur ruahmanna an la duang dawn a ni.
|hutkhawmnaah hian Rural Developement Secretary Pu H. Lalhmingthanga leh Finance Commissioner Pu Vanlalchhuanga te bakah dept pahnih hotu lian zualte an tel a ni.
