RD Department hian nikum chung khan National Award category 6 ah lawmman 9 a dawng a, heng zingah hian MGNREGA hnuaiah inelna hrang hrang te, thingtlanga mipuite chawikan tura hmalakna Deen Dayal Antyodaya Yojana – National Rural Livelihood Mission hnuaia lawmman te leh Dept hnuaia khua leh mimalin lawmman an dawnte a tel a ni.
A lawmna hmanpuitu RD Minister Pu Lalruatkima chuan, nikum chhunga RD deptt. hnathawhah hmasawnna tam tak hmuh tur a awm tih a sawi a, Department officer te chu inpekna thar nen kumthar bul \an tura chahin an hna aia ngaihpawimawh dang nei lo turin a chah a ni. Nikum chhung khan Department-in sum a hmuh \hat thu pawh Pu Lalruatkima hian a sawi a, an sum hmuhte chu ram rotling siam nan leh thingtlanga mipuite hmasawnna turin District level leh Block level ah te \ha taka hman a \ul tih a sawi. Inkhawm hi RD Secy Pu Lalhmingthanga’n a kaihruai a, deptt. hmalakna an thilrlet bakah hmachhawp bawhzui dan turte an sawiho a ni.
