Lei khikna lai hi Vaivakawn, Hunthar leh Chanmari West inrina peng \huam laiah a ni a, lei khi hian Vaivakawna in 7 a huam a, Dawrpui Vengthar lam pawh a huam tel bawk a ni. In neitute hian an in khi avanga an hlauhthawn thu leh, thinthia an mut ngam loh thute an lo hrilh a. In neitu te chuan SIPMIU-in Vaivakawn leh Chanmari West panna kawnga pipe an phumna tur kawngpui khawl lian hmanga an laih vang te leh pipe phumna hnawhphui leh thuai a nih loh vang tea lei hi khi nia an hriat thu an sawi.
Pu Lalruatkima hian Hazard Safety Cell-in heng in khite dinhmun hi a rang lama enfiah tur thu a sawi a, SIPMIU-in kawng a laih hnawh that tawk loh lai awmte pawh hnawh \ha tura a hrilh bakah Geology mithiamte pawh a leilung dinhmun enfiah turin a sawm a ni. Pu Lalruatkima hi Aizawl DC, DM&R, SIPMIU leh PWD aiawh ten an \awiawm a ni.
