Rural Development Minister, Pu R. Lalzirliana’n Chief Minister’s Rural Housing Scheme a hawng

0
372
views

Rural Development Minister, Pu R. Lalzirliana’n Mizoram pum huapa thingtlanga miretheite chenna in sakna tur, Chief Minister’s Rural Housing Scheme Rural Development Deptt Conference Hall-ah vawiin khan a hawng.

Hawnna thusawiin Rural Development Minister chuan he scheme hi sorkarin mi retheite a ngaihpawimawhna leh chhawmdawl a duh vanga siam niin a sawi a, hetianga hmalakna hi sem policy tiin mi \henkhat awm thei deuhten sawi an chu mi rethei leh harsa zawkte dinhmun an hriatchian loh vang a ni tih sawiin, Minister chuan he scheme a\ang hian mi retheiten in sak nan leh in chhe tawh thawm\hat nan Rs 50,000 an hmu thei dawn niin a sawi a, a dawngtu turte chu a \ul dan a zirin sorkarin Rural Housing Support a\anga \anpuina a zawn sak zui dawn niin a sawi a ni. Pu R. Lalzirliana chuan he scheme hi sorkar New Economic Development Policy hnuaia hmalakna a ni tih a tarlang a, he scheme hman kawngah hian Rural Development Department chu a bultumtu Nodal Department a ni a, sum hman dan hi kum tin endik a ni dawn niin a sawi a ni. Pu R. Lalzirliana chuan Chief Minister’s Rural Housing Scheme hi kum 2016-2017 a\ang khan Serchhip, Lawngtlai leh Saiha District-ah te hman niin sum hman ral zawng zawng chu cheng nuai 600 a ni a, kum 2017-2018 khan he scheme atan hian budget-ah cheng vbc 10 dah leh a ni a, heta \ang hian Aizawl, Lunglei, Kolasib, Champhai leh Mamit District-a mi harsate in sak \anpuina pek a ni dawn niin a sawi a ni. He scheme hawnna inkhawm hi Rural Development Secretary, Pu Lalhmingthanga’n a kaihruai a, hetah hian Deputy Speaker, Pu R. Lalrinawma, Pu Lalrobiaka MLA, ZIDCO Chairman ni bawk, Pu John Siamkunga MLA, Mizoram Law Commission Chairman ni bawk bakah MLA 5, Pu Lalrinliana Sailo, Lt. Col. ZS Zuala, Pu T. Sangkunga, Pu Nihar Kanti Chakma leh Pu Lalruatkima te an tel a ni.