RUSA sum cheng nuai 70 senga sak Lunglei Government College Multipurpose Hall chu vawiin khan Higher & Technical Education Minister Pu R. Romawia’n a hawng.
Hawnna thu sawiin Minister chuan Lunglei Goverment College chuan hmasawnna ruhrel leh zirna kawngah te chak takin hma a sawm niin a sawia, Zirlai kalkhawmte chu an zirlai ngai pawimawh hmasa ber tur leh tum mumal nei a, chhungkua, khawtlang leh ram tana chhawr tlak nih tum turin a fuih a ni.He inkhawm hi Vice Principal Pu LH Rothanga’n a kaihruai a ni.
