RUSA sum leh College-in a thawh belh cheng nuai 140 senga Govt. T. Romana College-a Academic Building thar sak chu Higher & Technical Education Minister, Pu R. Romawia’n vawiin chawhnu khan a hawng.

0
269
views

He Academic Building thar hi concrete building feet 60 a sei, feet 35-a zau, chhawng 6-a sang a ni a, hemi chhungah hian Class Room 7, Conference Hall 1, Computer Center leh room pawimawh dangte dah a ni a, a sak hna hi Lushai Engineers-in a thawk a ni. Hawnna inkhawma thusawiin Higher & Technical Education Minister, Pu R. Romawia chuan RUSA avangin Higher Education chuan building leh thildangah nasa takin hma a sawn niin a sawi a, Govt. T. Romana College din \an a nih a\anga vawiin thlenga a kalkawng chu a hriatpui thu sawiin, College hmasawn dan chu chhinchhiah tlak niin a sawi a, zirlaite leh zirtirtute chu rim tak leh \hahnemngai taka an hna \heuh thawk chhunzawm turin a fuih a ni. Building thar hi Republic Veng bialtu Pastor, C. Lalbiakhluna’n \awng\aiin Pathian hnenah a hlan a ni. He inkhawmah hian bialtu MLA Pu R. Vanlalvena, Higher & Education Secretary, Pu Asish Kundra leh College Principal, Dr. Lalrintluanga ten thu an sawi a, Principal chuan Govt. T. Romana College hian building lamah kum 3 vel lek chhungin nasa takin hma a sawn tih a tarlang a ni. He inkhawm hi Assistant Prof. Pu CVL Tlanhlua’n a kaihruai a ni.