Saitual Sub Divisional Magistrate, Pu R. Vanlalsawma chuan mihring phur chi motor – bus, maxicab, taxi leh auto rickshaw Saitual Civil Sub Division chhunga tlan zawng zawngte chu mipui himna atana dan siam \ha taka zawm turin a hriattir. Hemi chungchanga vawiina Saituala thupek a chhuahah Sub Divisional Magistrate chuan mihring phur chi motor-a mei zuk, zu ruih, zu in, tuibur hmuamte phal a ni lo tih te, kangmei tichhuak thei chi, petrol leh tuialhthei dang phurh phal a ni lo tihte a sawi a, maxicab-ah chuan sticker eng chhungah an tlanna kawng, a sena ziak tar ngei ngei tur a ni tih te leh Seling leh Champhai inkar kawng chu a zim avangin fimkhur taka lirthei khalh a \ul thute a sawi bawk.
Saitual pal tlang maxicab leh motor dangte chu vawiin khan Magistrate leh Police-ten an endik a, dan zawm lo maxicab engemawzat man an ni a, chungte chu dan an zawm theih nan October ni 31 thleng hun pek an ni. Seling-Champhai kawng chhe zual lai siam \hat mekah hnathawh a buai loh nana motor lian kal theih ni ruat chu bawhchhia an la awm zeuh zeuh a, vawiin kha Seling a\anga Champhai lam pana an kal theih ni a ni a, amaherawhchu, Champhai a\anga Aizawl pan truck \henkhat an awm avangin motor panga chu Keifangah Magistrate leh Police-ten lo manin an hrem a ni. Sub Divisional Magistrate chuan Aizawl leh Champhai Bawrhsap te thupek chu khauh taka ken kawh a ni tawh dawn tih a sawi bawk.
