Saitual District mipuite chu hmaituamna hmang \ha tur leh inhnaih lova awm, Social Distancing ngai pawimawh zel turin District Level Task Force hian an chah a ni. Saitual SP, Pu PC Lalduhthlanga chuan hrileng vennaa dan leh thupek kenkawh kawngah Police an indaih loh avangin Police zinga chawlh lak dilte pawh phalsak theih an ni rih lo tih a sawi a, Saitual khaw pawn lam quarantine centre-a duty pawh VLTF te kutah an dah deuh vek tih a sawi.
Saitual District-ah hian Quarantine facility 46 leh Community Quarantine facility 4 a awm a, hengah hian State 20 atanga haw mi 361 an awm mek a, State 6 atangin mi 58 lo haw tur an la awm a ni.
