Saitual Group YMA hruaitute hi an President Pu C. Lalkima hovin mi 10 an thawk chhuak a, Sialkal leh Tuiphal Group YMA hruaituten an lo dawngsawng a ni. Myanmar ramri hnaih khua, Mimbung, Kawlbem, Hrianghmun leh Teikhang task force te bakah Manipur ramri Chiahpui leh Khawkawn-a duty post an tlawhnaah hian tanpuina tangkafai cheng nuai 1 an sem a, sorkarin duty a dah IR Police te pawh Group YMA hruaitute hian tlawhin tangkafai tanpuina an pe bawk a ni. Saitual Group YMA hian an huam chhunga YMA Branch hrang hrang 18-ah ramri venga duty te pualin vehbur an khawn a, cheng nuai 2 sing 1 sang 1,215/-a tlingkhawm a ni.
