MNF President nibawk, Pu Zoramthanga hian BJP in India ram chu hindu rama siam Hinhdutva an duh a, MNF party chuan Pathin leh kan ram tan tih thurin an nei thung a ni a ti a. Hetihlai hian Delhi ah hlawm lian tak pahnih NDA leh UPA an awm a, Congress duh lotute chu NDA ah an tel a, MNF pawh congress duh lotu a nih avangin NDA ah a tel mai a ni a ti.
Pu Rama hian BJP chu an hlau lo tih a sawi a, Congress an ni emaw, Janata an ni emaw an hlauh dan a inang vek tih a sawi a, Congress in sakhaw inleh khapna anti conversion law an lo siam tawh a, eng party pawh central-ah sorkar se, India ramah sakhaw zalenna a awm tur a ni tih chu an duh dan a nih thu a sawi.
