Pu Chhante-a hian Lengteng biala Saichal, Hliappui leh Kawlkulh khua te vawiin khan a tlawh a, khawtlang hruaitute chu zirlaite tana hun pawimawh, an exam lai leh hun pawimawh dang te zah saka zirlaite tan boruak \ha siamsak \hin turin a chah a, khawtlangin zirna an ngaih pawimawh chu zirna lama hmasawn nan a pawimawh hle tih a sawi. Hmun tinah zirtirtu indaih lo thawm hriat tur a awm a, MLA ten an fund hmanga zirtirtu an rawih te leh zirtirtu indaih lohna phuhruk nan zirtirtu sang chuang sokarin a lak chuan zirtirtu a indaih lohna zualpui a phuhruk tih Pu Chhantea hian a sawi.
Lengteng bialtu MLA Human Resource Development Vice Chairman Pu L. Thangmawia pawhin thusawiin inkalpawhna kawngpui chhia chu Sorkarin a ngaimawh a, mutmawh hnarmawhah neiin a siam\hat na tur ruahmanna te central lamah a thehlut nghal zel a ni a ti a, Saitual leh Saichal inkar kawng pawh siam\hat tum zingah a tel tih a sawi.
Minister hi Sinlung Hills Council-a Executive Member Pu C.Lalnuntlanga leh School Education Department hotuten an \awiawm a ni.
