Vawiina mipuite hnena thuchah a sawiah Pu Lalchhandama Ralte hian State \henkhat, online-a class kal chhunzawmtir te chu academic session kal lai, la zo hman lo, final semester bei laite an ni a ti a, Mizoram erawh chu school chawlh lai, pawl sawn thar turte admission pawh la ti lo, zirlai pawh la zir \anlo a nih avangin naupangte hnena online class pek a nih rih loh pawhin, session inan loh vang a ni a ti a, Internet Facility Mizoramin a neih dan en in online class ang chi chu Mizoramin a hmachhawn ve thei chiah lo maithei a ni a ti.
Vawiin hi Mizorama School Academic session \anni tur a ni a, hrileng vanga school \an theih ni rih lo mahse, zirlaite chu lehkhabu \angkai chhiarna huna hmang turin Education Minister hian a chah a. Hrileng reh hun tur hriat lawk theih a nih loh avangin school luh \an hun tur pawh a sawi lawk mai theih rih loh a ni a ti
Mipui inkharkhip puan \an a nih laia ni thum exam la hmabak pawl 12 te tan Covid-19 hrileng a rehfel hunah a rei lo thei ang bera exam buatsaih a ni ang tih a sawi a, zirlaite chu chawlh hun chhunga taima taka zir turin a chah a ni. Pawl 12 zirlaite zingah a tam zawk chuan exam an zo hman a, mi sang 4 bawrin exam hmabak subject \henkhat an la nei a ni.
