An candidate turte hming leh dinna tur hi Central-a BJP Election Committee thlan a ni a, chumi ang chuan Dampa bialah Pu K. Lalrimawia, Mamit-ah Pu Malsawmtluanga, Tuirialah Pu Jacob T.Vanlawma, Kolasibah Pu B. Lianthlira, Serlui bialah Pu Vanlalhmuaka, Tuivawlah Pi Judy Zohmingliani, Chalfilhah Pu T. Sanghmingthanga, |awi bialah Prof.J.V.Hluna, Aizawl North I-ah David L.Sailo
Aizawl North II-ah Pi C. Lalnunziri, Aizawl North III-ah Pu VL Awia, Aizawl East I-ah Pu Laldinliana Sailo, Aizawl East II-ah Pi T .Lalmalsawmi, Aizawl West I-ah Rev. LR Colney, Aizawl West II-ah Pu C. Lalchawimawia, Aizawl South II-ah Pu Lalniliana Hauhnar, Aizawl South-III-ah Pi F. Lalremsangi,
Lengtengah Pi Laldinngheti, Tuichangah Pi Lalduhpuii, Champhai North-ah Pu C. Hrangsatkima, Champhai South-ah Pu Ronghaka, East Tuipuiah Dr. VL Zahawma Chawngthu, Serchhipah Pu C. Lalchunglura, Tuikumah Pu C. Lalnunmawia, Hrangturzoah Pu K. Sangzuala, South Tuipuiah Pu Lalnunpuia Chawngthu, Lunglei North-ah Pu Ramdinzauva, Lunglei East-ah Pu H. Lalruata, Lunglei West-ah Pu CS Chawngchhuma, Lunglei South-ah Dr. Aichhunga,
Thorangah Pu Joseph Lalzawmliana, West Tuipuiah Dr. Kina Ranjan Chakma, Tuichawngah Pu Buddha Dhan Chakma, Lawngtlai West-ah Pu JB Rualchhinga,
Lawngtlai East-ah Pu Vanupa Zathang leh Siaha bialah Pu S.Vadyyu te an ni.
Hetihlai hian Hachhek bial, Aizawl West III, Aizawl South I leh Palak biala candidate turte chu hun remchang hmasa berah puan leh an tum niin an party hotute chuan an sawi a ni.
Zawhna chhangin Prof. JV Hluna chuan NGO Coordination Committee te duhdan tihlawhtling lova West Tuipui leh Tuichawng biala Chakma candidate an dah chu Central-a an party Election Committee thutlukna siam niin a sawi a, Mizorama an party hruaituten candidate siam chungchangah thu an nei lo niin a sawi a ni.
Hetihlai hian Mizoram Pradesh Congress Committee pawhin Siaha biala an party candidate atan vawiin khan Pu S. Hiato leh Palak biala an party candidate atan Pu KT Rokhaw te an ruatfel a, West Tuipui leh Tuichawng biala an candidate tur te erawh chu an la puang thei rih lo a ni.
