Secretariat Administration Department leh Association for Voluntary Blood Donation \angkawpin vawiin khan Khatla-a New Secretariat Pisa tualah ni hnih awh tur thisen pek runpui an buatsaih a. A hawnna inkhawm chu Chief Secretary, Pu Lalmalsawma’n a hmanpui a. Mizote chu tlawmngaihna lan chhuahtir \hin hnam an ni tih sawiin, thisen pek pawh hi tlawmngaihna lan chhuahtirna a nih b^kah, mi nunna chhan theihna leh mi dangte tana malsawmna nih theihna niin a sawi. Hemi puala inkhawm tawi neih hi AVBD President, Pu PC. Lalhmingthanga’n a kaihruai a, Aizawl Civil Hospital-a Blood Bank Officer, Dr. K. Rothangpuia’n thil pawimawhte a sawi a ni.
Blood Donation Camp-ah hian Aizawl Civil Hospital Blood Bank-in Mobile Blood Donation Van hmangin thisen an la a, thisen Unit 53 pek a ni a, a petute hi mipa 41 leh hmeichhia 12 an ni a. Naktukah chhunzawm a ni ang. AVBD leh SAD chuan Secretariat-a thawkte leh pisa dawrtu a remchang apiang chu thisen pe turin an sáwm a ni.
