Seling leh Champhai inkar kawng, PWD Highway-in a siam \hat mek chu car kal theiha siam zawh a ni tawh. PWD hotute hnen a\anga ZONET thu dawn danin, he kawnga khuar lai leh a nal laite chu lunga hnawh zawh thaw khat a ni tawh a, a remchang lai lai, lung nawi leh lei pawlha chil mam a ni bawk a, blacktop anga mam \ha ni lo mah se khua a chhiat loh chuan tluang taka car kal theih tura siam a ni tawh a ni. Kawng siam \ha tur hian tun hnai a\ang khan PWD Highway leh Nidhi Infrastructure Ltd-in ngawrh takin hna an thawk a, hmun hrang hrang a\anga lung la-in kawng khuar lai leh nal lai an hnawh a ni. PWD hotute chuan he kawngah hian ruahsur avanga harsatna thleng leh thei a nih avangin Conference lai pawhin kawng hi an vil zui zel dawn niin an sawi a, he hna an thawh chhunga anmahni \anpuitu khaw hrang hranga tlawmngai pawl leh VC te chungah PWD Highway Chief Engineer chuan lawmthu a sawi a ni.
