Seling leh Champhai kawng siam that hna Highway SE leh Executive Engineer-in endik, Champhai Zotlanga YMA General Conference neih hmain kawng chhe zual lai lunga hnawh hman vek beisei

0
333
views

Seling leh Champhai kawng, PWD-in beihpui thlaka a siam \hat mek chu Highway SE, Pu Lalruata Sailo leh Executive Engineer, Pu Eddie Zothansanga’n nimin leh vawiin khan an en a, an hnen a\anga ZONET thu dawn danin, tun thla ni 17 leh 19 inkara Champhai Zotlanga YMA General Conference neih hmain kawng khuar leh a chhe zual lai chu lunga hnawh hman vek an beisei a, tunah hian Tuipui leh Champhai inkar te, Saitual leh Tuivawl inkar leh Khawzawl leh Tuipui inkar kawng khuar chhe zual lai chu hnawh zawh \ep a ni tawh a, tuna hnathawh tawh hi za zela 90 vel ni tawhin an sawi a ni. Tuna harsatna an tawhna lai chu Tuivawl leh Dulte inkar niin PWD hotute chuan an sawi a, an harsatna ber chu kawng khuar hnawhna tur lung tam tawk an hmuh theih loh vang a ni a, Keifanga BRTF Quarry hlui a\angin lung tam tham tak an la chhuak \an mek niin an sawi a, hemi rual hian Keifang, Champhai bul leh Chawngtlaia mimal quarry a\angin an la la reng bawk a ni. Khaw awm danin tlema a zir tak deuh avangin hna chak zawkin a thawh theih niin an sawi a, amaherawhchu, motor lian, an kal nia kal lo leh an kal nia kala, kawng laka ding, an kal ni lova kal leh si nia sawi a awm nual \hin avangin hna an thawk chak thei lo niin an sawi a, chak zawka an thawh theih nan lirthei tlan dan vawngtu, Police-te chu \an la zui reng turin an ngen bawk. PWD Highway Engineer-te chuan he kawng chhiatna chhan hi kawng enkawltu hmasa, BRTF-in PWD kuta kumin April ni 1-a a hlan theih chauh vang leh kumin fur hi February thlaaa in\an vang te, kuminah hian kum dang zawng aia ruahtui tla a tam vangte niin an sawi a ni.