Seling-Tipaimukh kawng National Highway 150-in Sesawng leh Khawruhlian inkara Tuirini a kannaa thirlei dawh hna thawh mek chuan hma a sawn zel

0
238
views

Seling-Tipaimukh kawng National Highway 150-in Sesawng leh Khawruhlian inkara Tuirini a kannaa thirlei dawh hna thawh mek chuan hma a sawn zel. ZONET zawhna chhangin PWD hotute chuan he lei dawh hna hi Sesawng lam a\anga \an a ni a, lei pannel thir kilh khawm chu Sesawng lama lei innghahna abutment a\angin Khawruhlian lama lei innghahna thleng turin nawr tawlh zel a ni a, nimin thleng khan luikuang chhunga cement ban lian ‘pier’ pelh hnuah feet 30 vela thui nawr chhuah a ni tawh a, lei dawhna tur luikuang zau zawng hi feet 210 a ni a, tun thlenga lei pannel thlen chin hi feet 80 vel a tling tawh a ni. Tluang taka hnathawh zui zel theih a nih chuan karlehah chuan Khawruhlian lam luikamah lei ruhrel nawrkai theih beisei a ni a, hemi hnu hian lei tihchakna tur pannel vuah leha luikam tawn tawna lei luhna tur kawng siam\hat ngai lai siam\hat hna te thawh zui leh a ni ang a, ruahmanna engkim a kaltluan theih chuan tun thla tawpah lirthei kal theiha siam theih beisei a ni.