Seling-Tipaimukh kawng National Highway 150-in Sesawng leh Khawruhlian inkara Tuirini lui a kanna thirlei, bailey bridge dawh hna chu double double re-inforced-a zawhfel a ni.

0
284
views

Lei dawh hnathawktu PWD Mechanical Division chuan lei dawh hna hi tun thla ni 21, Inrinni chawhnu khan a zo fel a, a zawhfelna tura hna hnuhnung, lei chhuata thir phek phah hna chu ni 3 chhungin an zo fel thei a ni. He leia motor a tlan theihna turin luikam sir tawn tawna kawng siam\hat hna chu PWD Highway Division II hnuaia hnathawkten Inrinni a\ang khan an thawk \an a, nimin, Pathianni pawh khan chawl lovin an thawk zui a, zawhna chhangin PWD hotute chuan luikam sir tawn tawna thirlei innghahna abutment-te hi kawng chhuat aia feet 3 vel laia a hniam avangin kawng chhuat siam\hat hna hi a hautaka, PWD hotute chuan he hna hi kar khat chhung vel thawh a ngai dawn niin an sawi a, tun thla tawp, ni 31 velah chuan lirthei kal theiha hawn theih an beisei a ni. Lei hawn hma hian lei chak zawng enfiah turin motor rit phur tlan chhin tir a ni ang a, chumi hnuah lei dawl zawh tawk tur chu bithliahin lei sirah tar a ni ang. Tuirinia bailey bridge dawh thar hi hmanraw hlui lakkhawm hmanga dawh a nih avangin motor rit phur a dawl zawh tawk tur chu lei thar tluk a tling phak dawn lo niin PWD hotute chuan an sawi a ni.