He inkawmhona Thenzawl Barzar Venga Vantawng Group YMA Run-a neih hi Field Veng Branch YMA President, Pu K. Lalmuanpuia’n a kaihruai a, bialtu MLA, Pu Lalduhoma chuan, khawtlang mamawh hrang hrangte chu MLA Fund, State Sorkar leh Central fund hmanga thawh theih a ni tih sawiin, hemi hmanga Thenzawl khawtlang hmasawnna hna thawh a nih theih nan theihtawp a chhuah dawn niin a sawi a, Opposition MLA ni mah se, Department leh Sorkar hotute hnenah pawh thil engemawzat sawichhuak thei ve turah a inngaih thu a sawi a ni. Pu Lalduhoma chuan, MLA Fund chu mipui ta a nih anga inchuh buai lovin, khawtlang hmasawnna tur pawimawh dan thlir chunga inkenthiam a \ul dawn tih a sawi. Pu Lalduhoma hian nimin khan Golf Course siam mek te, Horticulture College sak mek leh Thenzawl Auditorium sak mek chu Auditorium sak dan kalphung ni lova a hriat thu leh a tlo a rin loh thu nizana Thenzawl khawtlang hruaitute nen an inkawmnaah a sawi chhuak a ni. Tukin khan Thenzawl Zone Football Association hruaitute nen Thenzawl Lothazawla Football Ground tui tling thei lova siam dan tur leh a theih ang anga chei dan turte an en ho a. Tualvungi Venga tuilak dan tur leh Bazar hmun tura ruahman te a tlawh bawk.
