Serchhip District-a Bank hrang hrangte hnathawh dan thlir lettu, District Consultative Committee thukhawm

0
678
views

Serchhip District-a Bank hrang hrangte hnathawh dan thlir lettu, District Consultative Committee chu an Chairman, Dist. Bawrhsap, Pi Sangchhin Chinzah hovin vawiin khan an \hukhawm a, kum 2017 September thlaa quarter ral ta thlenga Serchhip District chhunga Bank hrang hrangte hnathawh dan an thlirlet a ni. Chairman chuan hemi hma lama thlir let tawhah Bank hrang hrangte hnathawh dan a \hat viau laiin tun \umah erawh chuan hmasawnna \ha tawk a awm lo tih sawiin, Bank te chu \an la thar turin a ngen a, sorkarin hmasawnna hna chi hrang hrangte chu Bank hmang deuh veka a thawh tawh avangin Bank-in chak taka hna a thawh loh chuan mipuiten hma an sawn chak thei dawn lo niin a sawi. An report-a a lan danin kum 2017 September thlaa quarter ral taah khan Credit Deposit Ratio chu za zela 46.18 a ni a, hei hi quarter hmasa aiin za zela 10.46-in a tlahniam a, hemi chhunga Credit Deposit Ratio chu za zela 60 tling tura beisei a nih laiin nasa takin a tling pha ta lo a ni. Hemi chhunga Serchhip District-a Bank hrang hrangten sum dah luh an dawn chu Rs.2,04,06,65,000/- a ni a, heta \anga advance an pek theih zat chu Rs. 94,23,78,000/- a ni. Bank hrang hrangin Prime Minister’s Employment Generation Programme (PMEGP) an bawhzui dan pawh a \ha tawk lo tih hmuh chhuah a ni a, mi 73 \anpuina pek chhuah tur awm zingah mi 6 chauh pek hman a nih avangin Margin money pek chhuah zat chu Rs. 7,89,000/- chauh a ni tih tarlan a ni.

(Dinga)