Police Outpost thar chu Chhingchhip khawtlang tana hmasawnna thlentu ni ngei se a duh tih sawiin, Pu Lalbiakthanga Khiangte chuan, mipuiten an thlamuanpui ngei theih tura hnathawk turin Police Outpost thara thawktute chu a fuih a ni.
Serchhip SP, Pu Sathiya Sundaram pawhin, Chhingchhip hmuna Police Outpost thar hawn a ni ta chu lawmawm a tih thu a sawi a. Hei hian kawtlang himna leh muanawm a thlen ngei a beisei tih a sawi. He inkhawm hi Serchhip Addl. SP, Pu PC. Lal\anpuia’n a kaihruai a, Serchhip Sub Hqrs. YMA President, Pu R. Sanghmingthanga, Chhingchhip Joint YMA President, Pu J. Rosiama, Chhingchhip Venghlun VCP leh Mualpui VCP te pawhin thu an sawi bawk. Chhingchhip Police Outpost hian Building an la neih loh avangin VC building hman rih a ni a, Chhingchhip kaw mi Pu Biakvela leh Pu Biakchhawna’n Police Outpost leh Staff Quarters sakna tur ram an pe a ni.
