Serchhip District-a khaw hrang hrang amiten Common Service Center hmanga Residential, Tribal, Income Certificate te awlsam zawka an lak chhuah theihna tura ruahmanna siam thar chanchin vawiin khan Serchhip DC Office-ah zirho a ni.

0
365
views

He inkhawm hi Serchhip Bawrhsap, Pi Sangchhin Chinzahin a kaihruai a, thusawiin Bawrhsap chuan E-District Facilitation Center hi sorkar laipui thil tum Digital India bawhzuina leh tihhlawhtlinna tur niin a sawi a ni.

He inkhawma thusawitu dang Nodal Officer, Pu H. Lalhruaitluanga chuan Serchhip District chhunga thingtlang khaw hrang hrang amiten lehkha pawimawh chi hrang hrang Residential, Tribal, Income Certificate leh adangte la chhuak tura tun hmaa dilna form an thehluh \hin chu bansanin awlsam zawk nan Internet hmanga Online application process hmangin dil leh pek chhuah theih a ni tawh dawn niin a sawi a, an mamawhte hi pawisa tlem chawia lak chhuah theih a ni dawn tih a sawi a ni. He inkhawmah hian Serchhip District-a Common Service Center 29 dahna khaw 15-a mite an tel a ni.