Serchhip District Hospital chu awmna Serchhip Bazar veng a\anga hmun remchang danga sawn chhuah tum a ni a, sawn chhuahna tur, Serchhip chhuahlama Lawibual ram chu vawiin khan Serchhip Bawrhsap, Pi Sangchhin Chinzah leh mi pawimawh dangte a hmuna kalin an enfiah. Serchhip III huam chhunga ram enfiahnaah hian Medical Superintendent, Dr. Lalmuanawma, Serchhip Town Development Committee Chairman, Pu PC Vanlalsawma leh mi pawimawh dangte an tel a ni. Serchhip Damdawi in sawnna tur hmun atana enchhin ram hi Pi Vanneii ram a ni a, Pi Vanneii hian a ram hi phut let nei lovin sorkar a pek phal thu ram entute a hrilh a ni.
