Serchhip District Sports Committee huaihawtin infiam mi, mi tlawmngaiten Serchhip District Hospital-a damlote tan thisen unit 48 an pe

0
392
views

Sports & Youth Services Department-in thisen pek programme a duan bawhzuiin vawiin khan Serchhip District Sports Committee huaihawtin infiam mi, mi tlawmngaiten Serchhip District Hospital-a damlote tan thisen unit 48 an pe a, petute hi mipa 42 leh hmeichhia 6 an ni a, an thisen hi CMO Conference Hall-a Blood Bank-a thawkten an laksak a ni.

Champhaiah pawh vawiin khan Sports Discipline hrang hranga infiam miten Champhai District Hospital-a damlote tana thisen pek runpui a buatsaih a, thisen unit 59 an pe a, thisen petute hi mipa 40 leh hmeichhe 19 an ni. An thisen hi Blood Bank-a thawkten Vanlallawma Indoor Stadium-ah an laksak a ni.

Lawngtlaiah pawh vawiin vek khan Lawngtlai District Sports Committee-in Lawngtlai District Hospital-a damlote hman atan Electric Venga District Sports Centre-ah Blood Donation Camp a buatsaih a, infiam mitem thisen unit 29 an pe a ni.