Serchhip MSU Hqrs. hruaitute buatsaihin vawiin khan Serchhip DC Conference Hall-ah kumina HSSLC Board Exam-naa Serchhip District-a ti \ha te chawimawi an ni. He inkhawm MSU Treasurer, Kaleba Zomuanpuia kaihhruaiah hian Serchhip Bawrhsap, Pi Sangchhin Chinzah chuan thusawiin, khawvela mihring lo piang chhuak te hi zirtur nei sa-in an lo piang chhuak a, zirna lamah theihtawp chhuaha mahni nun uluka hlawhtlin tuma \an lak a \ul niin a sawi a ni. He inkhawmah hian MSU Serchhip Hqrs. chuan HSSLC exam-naa ti\ha te zirlai mi 51 te chawimawina an hlan bakah Serchhip District chhunga High School leh Higher Secondary School hrang hrang kumin Board Exam-naa zirlai zawng zawngten an pass-na School, Govt. Chhiahtlang High School, Govt. JM High School, Serchhip leh Chhiahtlang Higher Secondary School te chu chawimawina thuziak an hlan bawk a ni.
