Serhmun Joint Action Committee-in thuchhuah siamin tun hnaia khan Anu Ruddha Chakma chuan hming lem Anthony Lalhruaitluanga tih hmangin an khaw hming hian leiba cheng sing 4 a hnutchhiah niin an sawi

0
357
views

Serhmun Joint Action Committee-in thuchhuah siamin tun hnaia khan Anu Ruddha Chakma chuan hming lem Anthony Lalhruaitluanga tih hmangin Aizawla Hotel Orchid-ah thlengin an khaw hming hian leiba cheng sing 4 a hnutchhiah niin an sawi a, he thil hi an khaw tan mualphona nasa tak nia an ngaih thu sawiin, thil tisualtu hi man a, a phu tawk hremna pek ngei an phut thu an sawi. Serhmun Joint Action Committee thuchhuah tarlan danin, Anu Ruddha Chakma hi Mamit District BJP Minority Morcha-a Jt. Secretary ni lai a ni a, Serhmun VC President seal lem siamin Hotel Orchit-ah hian a thleng a, he seal lem hmang hian dawrah thil a la ba bawk nia sawiin, hetianga an khaw hming chhala dik lo taka thil tih hi kan hrethiam lo hle nia sawiin, thilsual titu hi man a, hremna pek an phut tih an sawi a. Hetiang thil hi tun hnu zelah pawh a thlen loh nan mipuite inbumna laka fimkhur turin an chah bawk.