Sawihonaah hian PWD Kolasib Highway Division hotute leh kawng siam hna thawktu contractor ABCI Company project hotute bakah Bukpui tlangdunga group YMA hruaitute leh VCP te an tel a, khawtlang hruaitute hian Serkhan-bagha kawng siam dan chu chu hmun thenkhatah an duhthu a sam loh thu leh heng hmuna an lung hman te chu a \hat loh thu an sawi a, Kolasib Bawrhsap Pu Zoengsanga chuan ABCI Company hotute chu \ha taka an hna thawk tura hrilhin, lung \ha ngei kawng siam nana hmang turin a hrilh a, kumin furpui thlen hmaa thawh zawh hman tum turin a hrilh bawk a ni.
Serkhan-Bagha kawng siam mek hi km 90 vela thui a ni a, km 73 vel ABCI Company hian thawkin, km 74-na a\anga km 90 thleng hi ABCI hnuaia Company tho GP Project in an thawk a, GP Project Company kut thlak chin North Hlimen leh Saipum inkar chu a \halo zual lai a ni tih sawilan a ni.
