Session-ah Minister pahnih, Pu R. Romawia leh Pu H. Rohluna te hna chanpual nakum sorkar kum chhunga enkawlna tur sum ruahmante sawihova lungrual taka pawmpui a ni

0
392
views

Vawiin session-ah Minister pahnih, Pu R. Romawia leh Pu H. Rohluna te hna chanpual nakum sorkar kum chhunga enkawlna tur sum ruahmante sawihova lungrual taka pawmpui a ni. Pu R. Romawia hna chanpualte chu Land Revenue & Settlement Deptt., Parliamentary Affairs, Higher & Technical Education Deptt. leh Art & Culture Deptt. te a ni a, heng Deptt. 4 te enkawlna tura sum ruahman pawmpui tak hi a vaiin Rs. 2,41,36,93,000/- a ni a, Pu H. Rohluna hna chanpualte chu School Education Deptt., Labour, Employment, Skill Development & Entrepreneurship leh Commerce & Industries Deptt. te a ni a, heng zawng zawng enkawlna tura sum ruahman chu a vaiin Rs. 12,11,17,10,000/- a ni. Sawihonaah hian member \hahnem takin thu an sawi a, member tam takin school-a zirtirtu indaih lohna awm te, khawpuia sorkar primary school tam tak, zirtirtu tam tak, hlawh tam deuh deuh awmna zirlai naupang nei mang lo an awm chu pawi an tih thu sawiin a chinfel dan tur ngaihtuaha rualkhai zawka zirtirtu sem rual \ul an tih thu te, tun hmalam a\anga ‘amalgamation’ hmanga chak taka hmalak \ul an tih thu te, school building chhe tawh te sak \hat leh thawm \hat \ul leh sorkar college Principal nghet nei lo tam tak awm te Principal nghet pek \ul an tih thu te an sawi a ni. Revenue Deptt. chungchang sawitu mi tam takin rambuai tam lutuk chingfel thuai tura hmalak \ul an tih thu an sawi a, rambuaina chhan chu tam ber chu LSC inpek thuah vang nia sawiin, he harsatna thleng hi anmahni Revenue Deptt.-a thawkte pawh siam chhuah niin an sawi a, Aizawl khawpui chhungah in hmun tur ram inpekah sorkarin in sak hmasak a nih phawt loh chuan LSC pek chhuah theih a ni lo a tih laiin Aizawl Municipal Corporation chuan in sak phalna pek chhuah nan LSC a ngai a ti ve bawk si a, hei hi sorkar thiltih dan inkalh niin a sawi a ni. Art & Culture Deptt. chungchang sawitu member te chuan he Deptt. hi Deptt. te tak te nimahse, Mizote hnam nun leh ziarang phochhuaktu a nih avangin a pawimawh hle niin an sawi a, member \henkhat chuan Chapchar K<t leh K<t dangte hmanga Mizo hnam nun pho chhuah chu a tawk lova, pi leh pute hunlai a\anga Mizo hnam nuna thil mawi leh ngaih hlut \hin tlawmngaihna leh nunze \ha a taka nun chhuahpui kawngah nasa zawka hmalak a ngai niin an sawi a ni. Sawihona tlangkawma thusawiin Pu R. Romawia chuan zirna lamah chuan quality education neih tumin \an lak mek a nih thu te, sorkar college principal nghet dah tura harsatna awm chu thuneitu tam tak kaltlanga thil tih awm vang niin a sawi a, Revenue Deptt. hnathawh dana thil fel lo awm vanga rambuai chinfel tur \hahnem tak awm chungchang sawiin Minister chuan tun hma a\anga kalphung fel tawh lo tihfelna turin hmalak mek a ni tih a sawi a, tun hmalama ram teh dan ang lovin ram record dik leh felfai tak siam nan GSP hmanga a awmna degree dik tak chhinchhiaha computerize chhoh mek a nih thu te a sawi a, tun hmalama zu khapna dan hman kha Ukil ho sum hnar \ha ber a ni a, tunah chuan rambuai chungchang Ukil ho sum hnar \ha ber a ni ta niin a sawi a, ram inchuh buai vanga inthahna hialte a thlen lohna turin sorkar chuan nasa takin \an a la niin a sawi a ni. Ram ruak dilna form amahin a kawl tlat nachhan pawh in hmun nei lo, ram mamawhtu dik takin an hmuh theih nan sawisel pawh pawisa lovin hetiang hian hma a la tih a sawi a ni. Hemi hnu hian Pu H. Rohluna chuan a Deptt. enkawl chungchanga thil sawifiah ngaite a sawifiah a, chumi hnuah a Demand hi lungrual taka pawmpui a ni ta a ni. Naktuka session chhunzawm a nih leh hun chuan hun hmasa darkar khat chhung zawhna leh chhanna atan hman a ni ang a, chumi hnuah Minister 2, Pu Lal Thanzara leh Pu C. Ngunlianchunga te hna chanpual kum 2018-2019 chhunga enkawlna tur sum ruahmante sawihova, pawmpui tum a ni ang.