Shillong Sub Hqrs. Lai Students Association member ten NEIGHRIMS Hospital-a damlo a mamawh apiangte hman turin thisen unit 39 an pe.

Thisen petute hi mipa 35 leh hmeichhe 4 an ni a, an thisen hi NEGHRIMS Blood Bank-a thawkten Mizo Modern High School-ah an laksak a ni. Thisen pek hmaa inkhawm tawi buatsaihah Shillong Sub Hqrs. LSA President, Laldinpuia Fambawl chuan zirlaite chu midangte tana malsawmna thlentu ni chhunzawm zel turin a fuih a, Shillong Sub Hqrs. Lai Students Association-ah hian member 180 vel an awm mek a ni.