Thingtlang khuate hlawm hrang hranga \hena, khawtlang nun ti hmasawn-a, mipuite sum leh pai dehchhuah tipung tur leh hmasawnna ruhrel pawimawhte din tura sorkar laipui hmalakna Shyama Prasad Mukherji Rurban Mission (SPMRM) Mizorama kalpui dan thlirin vawiin khan State Level Empowerment Committee (SLEC) chu Chief Secretary Pu Arvind Ray ho in an thukhawm. East Lungdar leh Khawzawl Cluster-a RURBAN Phase III hnuaia hmalak dan tur ruahmanna Integrated Cluster Action Plan chu thir ho a ni a, SPMRM hmalaknaah hian Rural Development Department chu a bul tumtu State Nodal Agency a ni a. East Lungdar leh Khawzawl Clusters-a hmalakna turah hian Department tam tak thawhho a \ul dawn avangin Dept tinte hmalakna felfai taka khai khawm dan tur an sawiho a ni. He hmalakna hian khaw 13 a cheng chhungkaw 2233-a mihring 10682 a tuam dawn a ni.
