Dr. K Beichhua hi PWD hotuten lo dawnsawngin an hnathawh dan te an lo hrilhfiah a, kum 2016 khan aerial survey leh preliminary survey neih tawh a ni a, tunah hian MPWD chuan final survey a nei leh mek a ni. New Laty khawtlang hruaituten vantlang inkhawm an buatsaihah Dr. K Beichhua chuan, Airport siam theih a ni dawn em tih sorkarin a enfiahnaah New Laty khaw mipui ten sorkar an tawiawm tha chu lawmawm a tih thu a saw a, compensation lak inchuha buai lo tur leh compensation beisei lova ram tana phal taka an ramte pe phal zawk turin a ngen a ni.
Dr K Beichhua hian Siaha District Agriculture Office complex-a District Level Exhibition leh Farmer Award semna a hmanpui bawk a, exhibition ah hian AH & Vety, Krishi Vigyan Kendra Siaha, Fisheries Department, Agriculture Department, leh Horticulture Department ten hmalakna an phochhuak a ni.
