Siaha khawpuia State Bank of India Branch Office hnathawk thei lovin siam

0
539
views

Mara hmeichhe pawl, Mara Chano Py-Mara bul tumin vawiin a\ang khan Siaha khawpuia State Bank of India Branch Office awm chhun chu hnathawk thei lova siam a ni. MCHP President, Pi P. Chaki leh MCHP member \hahnem takin Bank luhna gate bula \huin Bank hnathawkte pisa kai tur leh Bank dawr turte hi an dang a, an thil tih hi tlawmngai pawl lian dang, Lai Women Association leh MHIP Siaha te pawhin an \awiawm a ni. Siahaa ZONET Corr. sawi danin Siahaah hian kum 1983 khan SBI Branch hawn a ni a, hemi bak hi Branch dang hawn belh a ni lova, he SBI Branch hi sorkar hnathawk zawng zawng leh Mara Autonomous District Council-a thawkte bakah mipuiten an dawr ber a nih avangin he Bank-a hnathawkte leh Bank building leh hmunhma hian anmahni dawrtu mipuite a dawl zo tawh lova, sorkar hnathawkte pawhin Banka kal tlang veka hlawh an lak a ngaih tawh avangin Bank-ah hian ni hnih ni thum an intlar a ngai \hin a ni. Hetiang bawk hian MADC-a thawkte leh sorkar hnathawk, pension tawhte pawh rei tak tak an intlar a ngai \hin a, he harsatna avang hian MCHP chuan SBI Branch dang hawn belh turin Bank hotute a lo ngen tawh \hin a ni. Kumin July ni 14 khan Bank Manager leh Deputy Manager te hmuin Branch hawn belh turin an ngen a, mipuite mamawhna hriain Assembly Speaker, Pu Hiphei pawhin Aizawla SBI hotute chu Bank Branch hawn belh dan tur ngaihtuah turin a lo ngen tawh niin an sawi. MCHP chuan an ngenna hi September thla chhunga tihhlawhtlin a nih loh chuan tun thla a\ang hian tiam chin awm lovin Siahaa State Bank Branch-a hnathawkte leh dawrtute an dang dawn tih an lo sawi lawk tawh a, chumi ang chuan vawiin a\ang khan tiam chin awm lovin MCHP hian Bank hnathawk leh dawrtute a dang ta a, an thil phut a hlawhtlin hma chuan dan chhunzawm zel an tum thu an sawi. Siahaah hian SBI Branch 1, Mizoram Rural Bank Branch 2, HDFC Branch 1, Mizoram Cooperative Apex bank 1 leh IDBI Branch 1 a awm a, heng zingah hian dawrtu ngah ber leh sorkar hnathawkten an dawr ber chu SBI Branch hi niin kan Corr. chuan a sawi a ni.