Sinlung Hills Development Council \hiata thuneihna sang zawk nei Sinlung Hills Council (SHC) din chungchang chu tun thla ni 27-a Assembly Session-ah ngaihtuah a nih tur thu Home Minister Pu R. Lalzirliana’n a sawi.
Vawiina Police Headquarters Khatla-a Hmar Peoples’ Convention Democratic HPC (D) mi leh sa te hnena chhawmdawlna a hlan pahin he thu hi a sawi a, Home Minister chuan HPC (D) mi leh sa, Mizorama rawn kir te chu sorkarin a ngai pawimawh a, chhawmdawlna pek a tiam chu a hlen chhuak dawn a ni, a ti a. Mizoramah remna leh muanna a awm zel theih nan \hahnemngai taka \anla turin a chah a ni. Kumin April ni 2 khan Mizoram sorkar leh Hmar Peoples’ Convention (Democratic) te hian inremna thuthlung an ziak a. Inremna thuthlung anga nunphung pangngai zawha lo let mi 100 vel te hnenah cheng nuai 3 \heuh pek an ni a, ralthuam an tun \um khan cheng sing 2 \heuh pek an lo ni tawh bawk. Chhawmdawlna hlanna inkhawm hi Home Addl. Secretary Pu Lalbiakzama’n a kaihruai a. IGP Pu LH Shanliana’n leh Home Department hotuten an hmanpui bawk a ni.
