Hemi puala inkhawm Aizawl Bawrhsap Pisa-a neihah Bawrhsap, Dr. A. Mathumma-i’n rinawmna thu tiam tirin a lalut a ni. Puan tawh angin Assembly Session hnuhnung bera pass tak, ‘The Sinlung Hills Council Bill, 2018’-in a remtih angin Mizoram Sorkar chuan Sinlung Hills Council sorkar lailawk atana hruaitu turte chu tunkar thawh\anni khan a ruat a, chungte chu Sorkar leh inbiaknaa HPC(D) thupuangtu, Pu Lalthalien, Imphal, Manipur chu Chief Executive Member atan lakluh a ni a, HPC (D) Working Chairman hlui Pu Lalthanglien, LT Hmar tia hriat chu Coucil Chairman atan lakluh a nih bakah Deputy Chairman atan HPC(D) Deputy Army Chief hlui, Pu Lalbieknung lakluh a ni bawk. An ni baka hian Executive Member atan mi 4- Pu Darliensang Ralsun, Pu JC Zairemkunga, Pu Lalthlamuana Hmar leh Pi Melody Lalchhuangzeli lakluh an ni a, Council member atan – Pu Rohringa Hmar, Pu Lalrinsanga Ralte, Pu Benjamin, Pu B. Lal\hachhunga, Pu Lalremruata Varte leh ruat seat luahtu mi 2- Pu Malsawma Darngawn leh Pu Lalrammuanpuia-te lakluh an ni bawk.
CEM thar, Pu Lalthalien chuan, Sinlung Hills Council chu Hmar hnam leh SHC huam chhung mipuite tana Pathian thil pek a ni tih sawiin, hnam hrang hrangten inunauna, impumkhatna, insuikhawmna leh inrmena tluantling an neih thei nana sorkar hmalakna chu lawmawm a ti thu a sawi a ni. Sinlung Hills Council hruaitu tharte hi vawiin vek khan Khatla-a Sinlung Hills Development Council (SHC) Cell Office-ah an \hukhawm nghal a, CEM Pu Lalthalien chuan, vawiina an \hutkhawmnaah hian Council hmachhawp leh tih tur hrang hrang an ngaihtuah tih Zonet a hrilh a. Sinlung Hills Council Headquarters Pisa chu tihfel hun tur la hriat loh mah se, a rang thei ang bera hna thawk nghal tura \anlak a nih tur thu a sawi. Sinlung Hills Council Headquarters atan hian Sorkar chuan Sakawrdai a ruat a ni.
