Social Welfare Department buatsaihin hriselna lama hmasawnna tura kawngzawh Poshan Rally on National Nutrition Month, Rashtriya Poshan Maah Vanapa Hall a\anga Millenium Centre thleng tukin khan neih a ni.

0
288
views

 

Social Welfare Minister Pu P.C Lalthanliana leh Health Minister Pu Lal Thanzara ten an hmanpui. Rally thupui atan hian Eat Healthy, Healthy Nation tih hman a ni a. Social Welfare Minister Pu PC Lalthanliana chuan Poshan Abhiyan, National Nutrition Mission hi kumin March Ni 8 khan Prime Minister Pu Narendra Modi an a tlangzarh thu a sawi a. A thiltum ber chu naupang zinga thanthu, eichhiat vanga tlakchham-natna vei, nau pianghlim buk zang lutuk leh thisen sen tlakchham tihtlem a ni, a ti a. India ramah hian naupang thang tha lo hi za zela 38.4 an awm a, Mizoramah chuan za zela 28 an awm niin a sawi a, naupangte an \han \hutna chhan hi chaw an ei \hat tawk loh vang a ni tih hmuhchhuah a ni a, Poshan Abhiyan hnuaiah hian chik lehzualin naupangte hriselna endik a ni dawn niin a sawi.

Health Minister Pu Lal Thanzara pawhin tun thla pum hi Rashtriya Poshan Maah, National Nutrition Month atana hman a nih thu sawiin, hemi chhung hian village level, block level, district level leh state level-ah nasa takin hmalak niin a sawi bawk.

Rally-ah hian Social Welfare Department leh Health Department hotute leh hnathawkte bakah Anganwadi worker leh sikul naupang te an tel a ni.