Social Welfare Minister Dr. K. Beichhua an Mamit distrct a dik lo taka naupang chunga thil thleng chu pawi a tih thu sawiin fimkhur turin nu leh pa te a chah.

0
13
views

Tun hnaia Uttar Pradesh Ashram-a naupang chhanchhuah zinga Mizoram mi leh sa an tel chungchang, department hotute nen an sawihonaah Dr. K. Beichhua chuan, naupang chhanchhuahte chu hmun himah an awm tawh tih leh midang tlawhpawh theih lohin Uttar Pradesh, Muzzafarnagar-a Child Protection Unit te enkawlna hnuaiah an awm mek tih a sawi a, Mizorama hruai haw an nih theih nan tih tur tul te buaipui mek a ni a ti.

Tun hnai khan Uttar Pradesh, Muzzafarnagar-a Ashram atangin naupang 10 chu Childline team ten an chhanchhuak a, an zinga 6 hi Mamit district a Marpara khaw mi an ni. heng naupang te hi an nu leh pate chu zirna tha zawka pek tiamin an fate phai lamah hruai an ni a, tun thla ni 7 khan childline team te hian an chhanchhuak a ni.