Social Welfare Minister Dr. K. Beichhua chuan vawiin khan Dinthar Veng Joint Action Commitee te din, Gilgal Halfway Home a hawng.

0
653
views

Dr. Beichhua chuan ruihhlo do kawnga theihtawpa inpe, NGO te, ruihhlo ngaite enkawl \hin Samari mi\ha Mizoramin mi tam tak a nei chu lawmawm a tih thu a sawi a. India rama ruihhlo ngaite enkawlna lian ber neih chu chhuanawm loh tak ni mahse Mizoramin a mamawh avangin nei turin sorkarin SEDP hnuaiah hma a la mek a, a thawh khatna atan mi 490 dah theihna turin hmalak a ni a ti.

Rural Development Minister Lalruatkima pawhin thu sawiin, khawvel thiamna sang zelah tun hmaa ruihhlo ngaite misual tia sawi \hin chu damlo an ni tih hriat a lo ni ta a, ruihhlo ngaite chhan chhuah kawnga hmalak chu a Pathian thu hle a ni, a ti.

Dinthar Veng hian ruihhlo do kawnga hma an lakna leh ruihhlo ngaite enkawl kawngah kum 1998 khan Councelling Board an din a, kum 2000 khan mi tlawmngaite sum thawhkhawm atangin Halfway Home tiin Counselling leh Dressing Clinic an lo din tawh a ni.