Siaha ah hian Covid 19 Food Security Consultative Committee din a ni a, Chairman ah Dr. K.Beichhua awmin, Vice Chairman ah Palak bialtu MLA Pu K.T Rokhaw leh MADC CEM Pu N
Zakhai te dah an ni a, Siaha Bawrhsap chu Secetary ah dah a ni, Siaha-a lei laihna khawl neitu pawl, Earth movers association pawhin puih an inhuam thu an lo sawi tawh a ni.
Covid 19 leng mekin tampui a ken tel theih avangin buh leh bal thar chhuah kawngah tanlak thar a tul tih Dr K Beichhua hian a sawi a, hri leng vanga thihna pumpelhte pawh, tampui vanga an thih theih avangin inbuatsaih lawk a tul a ni a ti a, mipuite chu vaimim ching uar turin a chah a, Siaha Dist-a leilet siam theihna zawl zawng zawng chu leilet-a siam turin hmanhmawh taka hmalak a ni a ti a, heta tan hian MLA fund bakah sum awm thei ang ang hman a nih tur thu a sawi. Dr K Beichhua ho hian leilet tamna Phura leh Sala zawl -a leilet-a siam theih turte en ho a ni a. Leilet neitute chuan tractor an neih loh vanga harsatna an tawh thu te, tui lakna tha an mamawh thu te an lo thlen a ni.
