Dr K Beichhua hian Mizoram chu ramdang nena inrina, international boundary thui tak nei anih avangin, ruihhlo do kawngah chak zawka hmalak a \ul tih a sawi a, Union Minister Gehlot chuan ruihhlo ngaite chhawmdawlna kawngah Mizoram sorkar hmalaknate leh hmalak tum dan chu \ha a tih thu te, hemi atana chhawmdawlna tur central sorkarin sum lamah harsatna a neih loh thu leh Se\hawna ruihhlo ngaite enkawlna atana ruahmanna a siam mekah, de-addiction, rehabilitation leh skill development atan ruahmanna kimchang DPR thehlut thuai turin Minister hi a lo rawn tih Minister aiawha thupuangtu chuan a sawi.
AH&Vety Minister ni bawk Dr K Beichhua hian Animal Husbandary, Dairying & Fisheries Minister Giriraj Singh pawh hmuin Mizoramin vawk natna PRRS leng vanga harsatna a tawh dan te leh African Swine Flu, laka inven dan tur te a sawipui a, Union Minister hian PRRS leh African Swine Flu chungchangah a zirchiang tur Joint Secretary, Livestock Health Upmani Basu kaihhruai Central Team Mizoramah tirh thuai a nih tur thu a lo hrilh a ni.
