Sorkar hnathawkten Covid-19 dona atana May thla atanga December thla thleng an hlawh atanga sum thawh tura tih chu tih luihna a ni lo a, Sorkar hnathawkte remtihna a mal malin ziaka lak vek a ni ang tih Chief Secretary Pu Lalnunmawia Chuaungo in a sawi.

0
50
views

Information Dept in TV-a tih chhuah tur-a an kawmnaah Chief Secretary hian sorkar hnathawk pawl hrang hrang, sorkar hriatpui, recognized service assocoation 75 aiawhte nena sawihonaah sorkar hnathawkte hlawh cut sak chu tihluihna ni lovin voluntary donation/contributuion tura sawiho a ni a ti a, sorkarin tihluihnaa sorkar hnathawkte hlawh cut sak a tum lova, ruahmanna pawh a awm lo a, association hrang hrangte nena remtih tlanna anga hmalak tura ruahman a ni a ti a. Sorkar hnathawkte chu an remtihna a mal malin ziaka lak vek a ni dawn a, ‘Ka thawh ve lo mai ang e’ ti an awm a nih pawhin sorkar chuan a tilui dawn lo a ni a ti.

Covid-19 donaah sorkar zem zen ve lo te pawhin nasa takin hma an la tih Chief Secretary hian a sawi a, civil society leh sorkar zem zen ni loten sorkar hmalakna an thlawp dan leh tanpuina an pek nasat zia ngaihtuahin sorkar hnathawkten thawh nei ve ila tih vanga thutlukna siam a ni a ti.

Hri dona avanga inkharkhip vangin sorkar laipui chhiah lakluh nasa takin a tlahniam tih Chief Secretary hian a sawi a, Mizoram budget pumpuia zaa 90 aia tam mah chu sorkar laipui sum behchhan a nih avangin a lungngaihthlak a ni a ti a, sorkar laipui atanga deficit grant leh chhiah tlingkhawm Mizoramin a hmuh a tlahniam zel a, a tlak hniam zel pawh rin a ni a a ti a, sorkar sum senna tih tlem a ngai dawn a, covid-19 dona atan sum sen tur te tih tlem theih a nih si loh vang leh budget-a dah miah loh, hman a tul ang tih hriat lawk loh anih avangin sorkar hnathawkten an hlawh a\anga an thawh phal chuan nasa takin sorkar sum hman tur a phuhru dawn a ni a ti.