Sorkar in zu khuahkhirhna dan The Mizoram Liquor Prohibition Act, 2019-a hman a\anga thla 4 chhungin Excise & Narcotics Department in Rs. 3,01,24,190 hu zu an man tawh.

Zu kaihhnawih thubuai 740 ziahluh a ni a, hengte hi zu kawl 321 leh zu rui 16 bakah a neitu hriat loh zu man 403 a ni. Zu khapna dan hnuaiah hian zu kawl mi 380 man an nih laiin zu rui man erawh 16 chauh an ni thung. Zu man te hi sap zu um 571, Beer can 17, rakzu litre 30,620 leh zu bilhlai tin 47,755 a ni a, zu kaihhnawihah lirthei 61 man a ni tawh bawk.