Sorkar kum kal mek 2017-18 chhungin kawngpui siamna atan Budget-ah cheng nuai 85,640.25 dah a ni – PWD Minister

0
503
views

PWD Minister, Pu Lal Thanzara’n Sorkar kum kal mek 2017-18 chhungin kawngpui siamna atan Budget-ah cheng nuai 85,640.25 dah a nih thu leh heta \ang hian cheng nuai 32,757.07 hman a nih tawh thu House a hrilh a. He thu hi MNF member, Pu K. Sang\huama zawhna leh zawhbelhna dangte chhang-a sawiin, kawngpui siamna atan hian Budget-ah cheng nuai 66,746 leh Additional Fund-ah cheng nuai 19,153.25, a vaiin cheng nuai 85,640.25 dah a ni tih sawiin, Sorkar laipui a\angin cheng nuai 26,521.15 hmuh a ni tih a sawi. Pu Lal Thanzara chuan, Sorkar kum kal meka kawngpui siamna atana sum dah chu hman zawh sen a nih dawn loh avangin heng sumte hi tih dan pangngai dah\hat a ni ang a, kumthar lama hman leh mai a nih tur thu a sawi bawk. Vawiina Assembly Budget Session zawhna leh chhanna huna eptu pawl member, Pu K. Sang\huama’n kum 2017-18 chhunga Mizorama kawngpui siamna hmun a zawhna PWD Ministe-in a chhan dan chu a sei lutuk leh hun ti hek lutuka eptu pawlten an ngaih avangin rorel lai leh eptu pawl member-te an inhnial buai nual a ni.