sorkar kum kal mek 2017-18 chhungin Mizoramah khuarel chhiatna vanga thi mi 19 an awm, 17 hnenah zangnadawmna pe – Disaster Management and Rehabilitation Minister

0
522
views

Disaster Management and Rehabilitation Minister, Pu C. Ngunluianchunga’n sorkar kum kal mek 2017-18 chhungin Mizoramah khuarel chhiatna vanga thi mi 19 an awm thu leh an zinga 17 chu zangnadawmna pek an nih tawh thu House a hrilh. MNF member, Dr. K. Beichhua zawhna leh zawhbelhna dangte chhanga he thu hi sawiin, khuarel chhiatna vanga thite chu Aizawl District-ah mi 5, Lunglei District-ah 9, Siaha leh Lawngtlai District-ah 2 ve ve leh Champhai District-ah mi 1 a nih thu a sawi. Pu C. Ngunlianchunga chuan, heng vanduaina tawk zinga mi 17 chu cheng nuai 4 \heuha ral an nih tawh thu sawiin, pahnih pek an la ni loh chhan chu an awmna District Bawrhsap hnenah dilna thlen phawt a ngaih vang a nih thu leh pakhat chu nikum November thlaa Dawn khuaa Burma helpawlte nen buainaa Bomb rah puah vanga thi a nih thu sawiin, hei hi chu Sorkar kum thara pek tura ruahman a nih thu a sawi. DM&R Minister chuan, nikum fur chhunga Mizoram hmun hrang hranga khuarel chhiatna avanga in leh lo chhia leh huan thlai chhiate \anpui nan Sorkar laipuiah sum dil a nih thu leh tunah hian State Disaster Response Fund a\anga eng emaw zat pek a ni tawh thu a sawi a. Zangnadawmna pek tur sum hi State Sorkar-in a ngah loh avangin Sorkar laipuiah rs. vbch 106 dil belh a\angin Rs. vbch 35 hmuh a ni a, he pawisa hi sorkar kum tharah chuan pek hman tum a nih thu a sawi.