Sorkar laipui puihnaa Mizoram Quota-a technical course hrang hrang zir turte tan Higher and Technical Education Department-a Technical Wing in Online Counseling hmangin Seat a pe chhuak dawn a, a hrechiang duh tan www.mc.mizoram.gov.in ah ngaihven theih a ni. Technical Wing hotute chuan, he website hi inrinni a\ang khan tihnun \an a nih thu leh a duh a piang tan engtiklai pawha tlawh theih a nih thu an sawi a, NEET kaltlanga MBBS leh BDS bakah SMATEE hmanga techincal Course hrang hrang zir turte chu Online hmanga Regustration ti vek turin an hriattir a, SMATEE kaltlanga zir turte chu tun thla ni 29 ral hmaa registration tih hman vek tur a ni a, counseling result chu ni 30-ah tihchhuah tur niin, an email-ah kohna pek an ni dawn a, thla thar Jily ni 2-4 chhungin Chaltlanga Technical Wing Pisa-ah lehkha pawimawh enfiah tur niin, an seat chan tur siamrem sak nghal an ni dawn a. NEET kaltlanga MBBS leh BDS zir tumte tan July ni 3 thleng registration tihna hun hawn a ni dawn thung a, July ni 5-7 chhung lehkha pawimawh enfiah tur niin, an seat chan tur siamrem sak nghal an ni dawn a ni. Zirlaite seat chan tur pekchhuah an nih rual hian Security deposit cheng sang 5, a pawisafaiin emaw Demand Draft, Joint Director (Tech) H&TE hmingin SBI Dawrpui Branch-ah emaw siam tur a ni a, hei hi Admission tih zawhah laklet leh theih a ni.
