Sorkar laipuiin inkharkhip chhunga mipui zawm tur dan a siam zul zuia Mizoram Sorkar-in dan tesep hrang hrang a siamah inkharkhip hi kawng hrang hranga thlah dul a ni a, \ul bik thila chhuak duhte tan Task Force phalna lak kher ngai lovin khawlaiah a chhuah theih tawh a, lirthei-te pawh an tlan theih hun ruatah khawlai chhuah phalsak an ni. Aizawl bikah chuan veng hrang hrang kal dan erawh a inang vek lova, veng \henkhatah chuan Task Force-te uluk taka an Duty chhunzawm laiin veng tam zawkah erawh Task Force Duty hmuh tur an awm tawh lo a. Sumdawngte pawh dawr hawn phal sak an nih tawh avangin Aizawl khawpuia dawr tam zawk chu vawiin khan a inhawng a, sorkar-in dawr in\henawmte chu inhawn chhawk turin ti mah se, inhawng kawp pawh an awm nual a ni.
City bus tih loh sumdawnna lirthei dangte pawh an tlan deuh vek bawk. Zawhna chhangin Traffic Duty-te chuan, inkharkhip kalpui a nih hma angin lirthei tam lo mah se, lirthei chhuak an tam thawkhat hle tih an sawi a. Bazar chheh vel leh hmun lun zual laiah phei chuan Traffic a tawt deuh reng a, Traffic hi Jam mai thei reng a nih avangin lirthei chhuak endik tur pawhin hun an nei lo tih an sawi.
