He dan thar hi Sorkar laipui chuan a rang thei ang bera hmang turin State sorkar a duh a, Mizoramah pawh he dan thar hi hman thui tum a ni a, a hman hun tur tak chu State sorkar thu ngaihchan mek a ni tih an sawi.
Transport Department hotute chuan, he dan thar hmang tur hian inbuatsaih mek a nih thu leh hman a nih hma pawhin ngaihdamna tel lova lirthei endikna, Zero Tolerance chu kalpui chhunzawm a nih tur thu an sawi a, mipuite chu dan bawhchhe lo tur leh lithei-in a neih tur lehkha pawimawh nei kim vek turin an ngen a ni.
Transport Department hotute sawi danin, dan thar hman a nih hunah chuan lirthei dan bawhchhia man reng reng chu tun hmaa an chawi aia let eng emawzat a tam an chawi a ngai tawh dawn a. Traffic rules bawhchhia ten tun hmaa Rs. 100 an chawi \hin chu Rs. 500-ah tihpun a ni dawn a, Ticket nei lova Sorrkar motor-a zin Rs. 200 chawitir \hin chu Rs. 500-ah, thuneitute thupek zawm lo Rs. 500 chawi \hin chu Rs. 2,000-ah, Licence nei loa lirthei khalh Rs. 1,000 chawi \hin chu Rs. 5,000-ah, Driving Licence thi tawh Rs. 500 chawi \hin chu Rs. 5,000-ah, dan phal bak aia chaka lirthei khalh Rs. 400 chawi \hin chu LMV hnuai lam tan Rs. 1,000 leh MPV chin tan Rs. 2,000-ah, hlauhawm taka lirthei khalh Rs. 1,000 chawi \hin chu Rs. 5,000 thleng, rui chunga lirthei khalh Rs. 2,000 chawi \hin chu Rs, 10,000-ah, kawngpui intlansiak chu Rs. 500 a\angin Rs. 5,000-ah, Permit nei lova lirthei tlan chu Rs. 5,000 a\angin Rs. 10,000-ah, phurh theih chin aia tam phur chu Rs. 2,000 a\agin Rs. 10,000-ah, Seat belt hreng lova lirthei khalh chu Rs.100 a\angin Rs. 1,000-ah, Helmet khum lova twoo wheeler chu Rs. 100 a\agin Rs. 1,000 leh thla 3 chhung lirthei khalh thei lova hrem, Insurance nung lo chu Rs. 1,000 a\angin Rs. 2,000-ah te tihpun a ni a. Hemi bakah hian tun hmaa dan la awm ngai lo siam belh a awm nual a, chungte chu Dan phal baka lirthei tih danglam chu Rs. 5,000 chawi tir theih an ni a, Licence tichingpen chu Rs. 10,000, sumdawnna lirthei tan an phurh theih aia tam phurh chu mi pakhat zelah Rs. 1,000, kum tling lo lirthei khalh chu an chhungte mawhah dahin Rs. 25,000 chawitir bakah kum 3 chhung lung in tan tir theih an ni dawn bawk. Vawi 2 aia tam dan bawhchhiate chu hremna na zawk pek theih an ni ang a, a mawhphurtu Officer-te chu dan bawhchhia hrem kawngah thuneihna sang tak pek an ni bawk a ni.
