An pawl President, John Lalchhanchhuaha chuan, Mizote chu remna leh muanna duhtu inthlanna muamawm leh felfai nei \hin an nih thu a sawi a, Kristianna avanga Lu la hnam nihna kalsantu a ni a, India sorkar-in zahngaihna nei miah lova Aizawl a rawn bomb hnu pawhin Kristianna leh ram hmangaihtute vang bawkin remna siam leh tih sawiin, hetiang a ni chung hian nêkchepna kawng hrang hrang an la tawk zel tho tih a sawi. John Lalchhanchhuaha chuan, tuna sorkar laipuiin tihhlawhtlin a tum mek CAB pawh hian Mizote muanna leh himna a khawih nghing a ni, a ti a. Hetianga Sorkar laipuiin hmarchhak biala hnam zaidam tak takte a kheuh reng a nih chuan a lêt chu beisei aiin a na thei dawn tih a sawi.
CAB duh lohna lantirnaah hian Shillonga mizo zirlai \hahnem tak an tel a ni.
